Det er ikkje til å koma forbi, hausten er her. Uver, tidlegare mørkt, lysten til å arbeida i hagen minkar og seriane på TV startar opp att. Det manglar ikkje på tilbod til å fylla kvelden med.
Snart kjem den politiske kvardagen og budsjett og planar skal leggjast. Øygarden kommune står framfor utfordringar på fleire område. Ikkje minst må det finnast pengar til politisk prioriterte saker og så må det finnast pengar til store investeringar som ikkje er så politisk populære. Desse tiltaka står i kø. Summen vert formidabel. Spørsmålet er kven som vil sortera i sakene slik at reknestykket går opp.
