Før eller seinare kjem krisa. Det er viktig å vera førebudd og ha innsikt for å gjera dei rette tiltaka. Denne gongen kom krisa på Toftøy. Drikkevassforsyninga til den største krinsen måtte stengjast på grunn av algeoppblomstring. Slikt er krise.
Heldigvis har me flinke og engasjerte menneske i den kommunale organisasjonen som stiller opp. I løpet av eit par timar var utstyr og mannskap mobilisert for avsperring av vatnet, utlegging av slangar og tilkopling av ledningsnettet på Rong og Torsvik, slik at Blomvåg vassverk kunne levera drikkevatn til Toftøy. Før natt til onsdag var omme, var arbeidet utført og informasjon delt ut i postkassane.
Takk til alle i kommunen som har vore og er engasjert i akkurat denne situasjonen og til Sivilforsvaret, som i løpet av eit par timar leverte nesten 2 km. med slange til oss. Ei spesiell takk til teknisk mannskap og brannmannskapa.
For oppdatert informasjon om situasjonen sjå http://www.oygarden.kommune.no/
