Mange meiner at me bur ute i periferien. Det må me vera stolt av. Me får mykje til her ute ved havet. I dag var me mange som var samla til Periferikonferanse på ungdomshuset på Glesvær. I kveld og på lørdag er det eit omfattande festivalprogram. Til og med Bergens Næringsråd er bidragsytar til konferansen og festivalen.
Periferifestivalen er no så unik at den vert støtta av Kulturdepartementet. Konferansen handla om kunst og kultur i ei regional utvikling. Interessante innlegg. Kulturtilbod med breidde er viktig og det er viktig at det vert samhandling mellom alle aktørar i samfunnet for å utvikla kulturtilbodet, også som næring.
