Lenke til VestNytt om denne saka: Artikkel i VestNytt
Pressemelding
Til: VestNytt,
Radio Sotra, Kystradioen
Frå: Olav
Martin Vik, leiar i TVØ
Dato: 20.
oktober 2014
Kommentarar
til pressemeldinga: Det vert på dette tidspunkt ikkje gitt kommentarar utover
det som står i pressemeldinga.
SISTE
KOMMUNESTYREPERIODEN
I
2015 har eg vore politikar i 25 år i Øygarden og 11 av desse, som ordførar.
Ordførarperioden
tok til i 2001 og i perioden frå 2000 og utover, vart det investert nærare ein
halv milliard kroner i bygging av kommunale bygg og kommunal infrastruktur i
Øygarden. Kommunale tenester vart styrka. Det var krevjande år, der
finansieringa nøye måtte sjåast opp mot inntektene. Planlegging krov mykje av
mange. Det vert av mange framstilt som lettvint. Det var det ikkje. Det er
krevjande å gjera ord om til handling.
Kommunesenteret
vart i denne perioden flytta frå Tjeldstø til Rong. Av større anlegg kan
nemnast Tednebakkane omsorgssenter, rehabilitering og nybygg ved Blomvåg skule,
SFO ved Rong skule, ny idrettsbane på Tjeldstø, oppgradering av idrettsbana på
Rong, nytt Alvheim vassverk, ny Toftøy skule, ny Terna barnehage, tomt for ny
barnehage på Toftøy, innleige av kommunale institusjonar i nytt Rong senter,
kai i Naturgassparken, store utbyggingar innanfor veg, trafikksikring, vatn og
kloakk på mange av gardane m.m.
Saman
med ordførar Ole G. Fredheim i Fjell og avdøde ordførar Albrigt Sangolt i Sund
var eg med og oppretta selskapet Sotrasambandet som har vore ein pådrivar for
ny sotrabru.
Eg
var med og etablerte Regionrådet Vest (Askøy, Fjell, Sund og Øygarden), saman
med kollegaene Lars Lie, Albrigt Sangolt og Knut Hanselmann og hadde gleda av å
leia styret i den første perioden. I dag er det eit utstrakt samarbeid mellom
desse kommunane.
Eg
var med og etablerte Nettverket av Petroleumskommunar (kommunar med ilandføring
av olje og gass) og fekk i oppdrag å leia styret i den første perioden. I dag
er dette nettverket viktig for å sikra interessene til desse kommunane, ovanfor
sentrale styresmaktar og oljeselskapa.
Frå
2001 og utover vart det lokalt og regionalt satsa på næringsutvikling og
verdiskaping, gjennom selskapa Naturgassparken, Gode Sirklar, Business Region
Bergen og Bergensregionen (politisk møteplass).
Det
har vore spennande å utvikla Øygarden, saman med eit solid mannskap i TVØ,
administrasjonen og samarbeidande menneske, grupper og nabokommunar.
Eg
takkar ikkje minst alle veljarane som har støtta meg og gitt ny tillit i fleire
periodar.
Eg har orientert
TVØ sitt arbeidsutval om at eg ikkje er aktuell som listekandidat til
kommunevalet i 2015. Etter 25 år og 11 år i toppen i politikken i Øygarden, vel
eg å avslutta mitt politiske arbeid, når denne kommunestyreperioden er slutt i
2015.