I går var det møte i Politirådet. Her møter ordførarane og rådmennene i Askøy, Sund, Fjell og Øygarden og representantar frå vårt lensmannsdistrikt med lensmannen i spissen. Politirådet har vorte ein god møteplass for utveksling av informasjon og samtale om viktige saker og utviklingstrekk i vår region. Politiet og kommunane sitt arbeid m.a. når det gjeld førebygging heng nøye saman. Kontaktar på ulike nivå mellom Politi og kommunen er avgjerande i enkeltsaker, i planlegging og i utvikling av samfunnet vårt.
Statistikkane viser at Politiet i vårt distrikt gjer ein god jobb. Samarbeidet mellom kommune og Politi fungerer også godt.
